青衣，為大地帶嚟汗水，因為，第二波嘅青衣戲棚又開始喇！母親節整野食整唔切，嚟呢度買外賣俾媽媽同佢撐枱腳，誠意都夠哂。
天后誕又開鑼喇，呢幾日咁好天，遮都唔使帶，掃街更方便。
一開波咩都未食，PND一定係去買定野飲先，必飲Top.1變成大大桶兩份飲嘅梳打《避暑山莊梳打》$35-$40起，除咗有各式水果梳打系列，仲有啲港式特飲好飲特濃朱古力、黃金阿華田等，由今日到11號，潮友攞返個兜再買仲可以用優惠價$20去refill多次，夠環保，值得一飲。
避暑山莊隔離仲有著哂宋仲基style軍服嘅小食店添！想飲好西，《原個西瓜》升到$40喇。
想食重口味野，可以試試《熱菇Eat菇》$38/份 ，可要總統忌廉汁/西西里番茄汁，當然已有邪惡嘅芝士、火腿、煙肉啦，仲可以+$10要黑松露醬，即點即整係爽嘅。
偽 · 台北之《台灣起司馬鈴薯》 爆哂餡，加埋粟米、芝士、紫菜、蟹籽、沙律醬，同西門町嘅王子唔同風味，但值得一食嘅。
除咗PND鐘意嘅《爆芝流心玉子燒》 (粟米、芝士、紫菜、蟹籽、沙律醬)，
仲有今次新開嘅《誰偷走了我的芝士》，芝士濃湯撈烏冬：餃子，試食價嘅《芝士泡菜餃子都係$20一碗，十級惹味。
想食返碗《芋圓豆花》，都係$20碗咋，有南瓜、紫番薯芋圓、同埋紫薯乾添！
仲有推介Gimmick野：紫薯手抓餅、噴煙飲品(小食無咩煙)、手抓餅、鵝肝多士、韓式芝士炸雞等等。
邊個frd最識食又有錢，識食一定係而家約佢啦。
P.S. 下午4點開始已經有70%開咗檔，早去早享受，越夜越精彩哦親。
P.S.2 溫馨提示，場內幾大油煙，建議唔好著易吸味嘅衫去減肥喔。
青衣戲棚2016
天后誕：2016年5月7-11
地址：青衣青綠街原居民球場
#PND青衣 #PNDnEvent #PND小食 #PND外賣
Search